తెలుగు బిడ్డ శతకం

సామాజిక శతక హేల

తెలుగు బిడ్డ శతకము

డా.బల్లూరి ఉమాదేవి

పద్యం:0

ఆటవెలది



పద్యాల తోరణం

సామాజిక శతక పద్యహేల

తెలుగుబిడ్డ శతకము.

"మకుటము"


*తెలిసి కొనుము మదిని తెలుగు బిడ్డ*.


1ఆ.వె:శ్రీగణేశు నెపుడు చిత్తము నందును 

      దాల్చి సకల సురల దయను వేడి

      వ్రాయ బూని‌తేను. వాసిగా శతకమున్

     తెలిసి కొనుము మదిని తెలుగు బిడ్డ.


2ఆ.వె:కామ క్రోధములను కడతేర్చు చనయము

     పనులు చేయుచుండ వసుధయందు

    మేటివనుచు జనులు మెచ్చెదరెల్లరు

     తెలిసి కొనుము మదిని తెలుగు బిడ్డ.


3ఆ.వె:విద్య లెల్ల నేర్వ విజ్ఞాన మబ్బును

       విద్య తోడ కలుగు వినయ మెపుడు

       నదియె బ్రతుకు బాట కాధార మౌనని

    తెలిసి కొనుము మదిని తెలుగు బిడ్డ.

 

4ఆ.వె:అమ్మ నాన్న లన్న నవనిలో దైవము

       లనుచుగౌరవించు మనవరతము

      వారు దీవెన లిడ భద్ర మొసగునని

     తెలిసి కొనుము మదిని తెలుగు బిడ్డ. 



5ఆ.వె:బహ్మవిష్ణు శివుల  ప్రతి రూప మేగురు

      డనుట మరువ బోకు మయ్య నీవు

       నతని కరుణ యున్న నఖిల భాగ్యము లబ్బు

        తెలిసి కొనుము మదిని తెలుగు బిడ్డ


To see more posts like this and join KAVIYATRA , click here 👇👇

https://kutumbapp.page.link/2JW1wnGkvDSxXNAE6