అందరికీ విజయదశమి శుభాకాంక్షలు.
"శమీ శమయితే పాపం శమీ శతృ వినాశనీ అర్జునస్య ధనుర్ధారీ రామస్య ప్రియదర్శనీ'''
అంశం: దుర్గామాత.
ఆ.వె:అసుర వరుని జంప నాదిశక్తిగ బుట్టె
ఆగ్రహాన తాను నవని యందు
అష్టమి దినమందు దుష్టుల దునుముచు
దర్గ యయ్యె తాను దురము నందు.
ఆ.వె:ముగురు మూర్తు లలకె మూలపుటమ్మయ్యె
నాయుధముల నెల్ల నమరు లొసగ
సంహరించె మహిషు శక్తిని చూపుచు
విజయ దుర్గ యనగ వెలసె భువిని.
కం:అమ్మా శాంభవి దుర్గా
కొమ్మా వందన శతములు కూరిమి తోడన్
నమ్మితిమమ్మా సతతము
మమ్మెన్నడు విడక బ్రోచి మంగళ మిమ్మా.
కం:నెమ్మోమున కరుణజి లుక
కమ్ముఖమున రౌద్రరసము నల్లల్లాడన్
జిమ్మి కనక దుర్గమ్మగ
నమ్మా బైలెల్లినాది యసురుల దునుమన్.
కం:సురలను గాచుట కొఱకై
నరవీరభయంకరమగు నాయుధమును తా
క రమున ఝళిపించుచు లయ
కరిమహిషాసురుని జంపి కాచెన్ జగతిన్.
కం:వరము బలముచే మహిషా
సురుండు విక్రమము జూపి చుల్లలు వెట్టన్
సురలను గాచుటకై శం
కరి సింహము నెక్కి దైత్యగణముం జంపెన్.
కం:సురలను కావగ యా య
సురులను జంపగ దలచుచు సుముఖత జూపన్
కరిముఖుని తల్లి యాశం
కరి సింహము నెక్కి దైత్యగణముం జంపెన్.
కం:కరుణామయి యా శివశం
కరియసురుల పాలిటి భయకరియై తోచన్
:సురలను కావగ యాశుభ
కరిసింహము నెక్కి దైత్యగణముం జంపెన్
ఆ.వె:సకల జనుల కాచు శక్తి మాతవు నీవు
భక్తి తోడ గొలుతు భాగ్య మొసగు
నిన్ను నమ్మి యున్న నీడేరు కోర్కెలు
విజయ మొసగుమమ్మ విజయ దుర్గ.
ఆ.వె:పాడ్యమి తిథి నుండి పరమేశు రాణిని
ప్రస్తుతించి కొల్చి భక్తి తోడ
విజయదశమి నాడు విజయంబు గోరుచు
జమ్మి చెట్టు కొలువ జయము లొదవు.
కం:పది దుర్గుణములు వీడుచు
పదిలముగాధైవమందు భక్తి నిలలో
సదమల మతితో సతతము
వదలక చేయమని దెలుపు పర్వంబిదియే.
No comments:
Post a Comment