అత్తాకోడలు

9493846984

పేరు:డా.బల్లూరి ఉమాదేవి

అంశం:అత్తా కోడలు.

ఆ.వె:అత్త కోడలిలను ననవరతమ్మును

         కలసి మెలసి యున్న కలుగు సుఖము

         యింతులిటుల నుండ  నిల్లె స్వర్గ మగును

        కల్లగాదు నిజము గనుడు జనులు.      

ఆ.వె:కోడలత్త యవగ  కూరిమితో తాను

         కూతురల్లె జూడ కోడలపుడు

         నాదరించు నత్త నమ్మవోలె నెపుడు

         కలత లన్న మాట కలను రాదు.            

ఆ.వె:అత్త నైతి ననుచు నధికారమును చూప

           ప్రేమ యనెడి మాట పేరు కైన

           దొరక దనెడి మాట ధరణిలో నిక్కము

           తెలిసి మసలు కొనుము తెలివి తోడ.        

.ఆ.వె:అత్త కూడ తాను కొత్తగా కోడలై

         మసలినట్టి వేళ మరచిపోయి

          తనదు పెత్తనంబు తప్పిపోవుననుచు

           తపన తోడ తాను తపన చెందు.             

ఆ.వె:అత్త లేని కోడ లుత్తము రాలని

         పాట పాడు వారు నాటి జనులు

        అత్తలున్న మేలు నవసరంబులకౌదు

           రనెడి కాలమిపుడు   నరుగు దెంచె.

ఆ.వె:అత్త లనగ చెత్త యనెడి భావన హెచ్చె

        తనదు తల్లి దండ్రి దైవమనుచు 

        అత్తగార్ల నిలను నారళ్ళు బెట్టెడి

        వారి సంఖ్య పెరిగె  వసుధ యందు.

 ఆ.వె:కూతు లేని లోటు కోడలే తీర్చంగ

         అత్త యయ్యె నమ్మ యవని యందు

      మహిత వైభవమున మమత పంచ జనులు

        .యబ్బుర పడి గాంతు రనవరతము.

  27/8/17

,

గణపతి

25/8/17

    అంశం:వినాయకుడు.  

1కం:తెల్లని వలువలు దాల్చిన
   పుల్లాబ్జాక్షుండు నాల్గు భుజముల తోడన్
   చల్లగ నవ్వులు రువ్వ న్
   నుల్లము నందున గొలిచెద నుగ్రుని తనయున్.

2.తే.గీ:ధవళ వస్త్రంబుల నెపుడు దాల్చునట్టి
       వాడు విష్ణువనెడి పేర పరగు వాడు
      నాల్గు భుజముల తొడవుల నలరు వాడు
       అద్రిజ తనయు డీతడే యార్తి బాపు

3.ఆ.వె:గణములకధినేత గణపతి యనుపేర
         వెలసి పూజ లంది వెలుగు నట్టి
      యేక దంతు డితడె  యిభరాజ వదనుడై
         యాపదలను బాపి యభయమొసగు.

4కం:    వంకర తొండము కలిగిన

      శంకర పుత్రుడు మనుజుల జల్లగ గనుచున్

       జంకును బాపుచు వారల

       సంకటములు తొలగ జేసి శాంతిని గూర్చున్.

5ఆ.వె:భాద్రపదమునందు పార్వతీతనయడై

       జన్మ మెత్తి నాడు జగతి యందు

      విఘ్నములను బాపి వెలుగు బాటనుచూపి

       మ్రొక్కు జనుల కెల్ల ముదము గూర్చు.

6ఆ.వె:ఆది పూజితుండు నంబరాధిపతియు

      నార్తి బాపి జనుల కభయ మొసగు

      కోరికొలుచు వారి కొంగుబంగారమై

        కామితార్థమొసగి కరుణ జూపు.

7సీ:గజవదనుడవీవె గౌరిసుతుడ వీవె

       సుముఖనాముడవీవె శూలి పుత్ర

   ఏకదంతుడవీవె యిభరాజ వదనుడా

        గుంజీలు తీయుచు కోరికొలుతు

    మూషిక వాహనా ముదముతో సేవింతు

            శుభము లొసగు మయ్య శూర్పకర్ణ

       విఘ్నములను బాపి విష్ణుపదమునందు

            చిత్తముండు నటుల చేయుమయ్య

ఆ.వె:అసురవరుని దర్ప మణచిన హేరంబ

     ఆర్తి బాపి మాకు నభయమొసగు  

    కరుణ జూపి నీదు కరమెత్తి దీవించు

     విజయమొసగు మనుచు వేడు కొందు.

8ఆ.వె:శరణు శరణు నీకు శంకర సుతనయా

  చరణముల నుతింతు చదువు లొసగు

    ఉడుపతి నిను జూచి యుడికించె గావున

      శాపమందె తాను చవితి నాడు.

9ఆ.వె:ఆది పూజితుడవు నాఖువాహనుడవు

         కుక్షి నిండ నీకు కుడుము లిడుదు

        కరిముఖ గణపయ్య కాపాడు కరుణతో

       విన్న వించు కొందు విఘ్న రాజ.

10.ఆ.వె:ఏక దంత నిన్ను నేమరక కొలుతు

           వక్రతుండమాకు వరము లొసగు

         గణముల కధిపతివి కరిరాజ ముఖుడవు

         సన్నుతింతు నయ్య సంతసాన.

11.ఆ.వె:భారతాదులనిట వ్యాసుడు నుడువంగ

            రచన చేసితీవు రమణ తోడ

        నదియె నేటి కిలను నాదరణీయమై

         నలరుచున్న  వయ్య యంబ పుత్ర.

12.ఆ.వె:అంబరాధిపుడవు యగజేశు సుతుడవు

           అర్థి తోడ గొల్తు రవని జనులు

           అగ్ర పూజ నీదె యఖిల గణాధిపా

              తప్పు లన్ని దిద్ది దారి జూపు.

13.ఆ.వె:తల్లి కోర్కె తీర్చ తపమొనర్చి శివుని

            యాత్మ లింగముగొని యరుగు చుండ

            దానినందు కొనుచు ధరణిపై బెట్టిన

             బాల రూపు డీవె భవ్య చరిత.

14.ఆ.వె:వామదేవ తనయ వాసిగా నిను గొల్తు

          వేడు చుంటి నయ్య విజయ మొసగు

         కోరి కొలుతు మయ్య గుంజిళ్ళు తీయుచు

            కోర్కె లన్ని దీర్చు గుజ్జు రూప.

15కం:గజముఖ విఘ్న వినాయక

      విజయము నిమ్మని సతతము వేడెద నిన్నున్

     కుజనుల సహవాసమిడక

     సుజనుల సాంగత్యమొసగు శూర్పకర్ణ.

16.కం:ధవళ వస్త్రము దాల్చిన

        శివసుత మాకిల వరములు శీఘ్రమె నిడుమా

        భవభయహర నిను కొలుతుము

         శివము నొసగి కావుమయ్య సింధురవదనా

శివలీలలు

28/8/17

పద్యాలసవ్వడి
svdno:05
పేరు:డా.బల్లూరి ఉమాదేవి
పద్యసంఖ్య:2772 నుండి 2789వరకు 18 పద్యములు

అంశం:   శివస్తుతి.

ఛందస్సు:ఆ.వె:

1ఆ.వె:నాగభూషణుడవు నగజాత పతివీవు

       భక్త వత్సలుడవు ఫాలనేత్ర

       మాదు మొరలు వినుచు మమ్మాదరింపుమా

      హరహర మహదేవ హర్ష మొసగు.


2ఆ.వె:కోరి త్రాగినావు గొడగూచి యొసగిన

       కమ్మ నైన పాలు గరళకంఠ

       భక్తసులభుడవట పాపాలు హరియించి

       మమ్ము బ్రోవుమయ్య మారవైరి.


3ఆ.వె:పాశుపతము కోరె పాండుసుతుడు నాడు

        తపము చేయుచుండ ధరణి యందు

       వేటగాని వలెను వెలది గిరిజ తోడ

        వచ్చి చేసితీవు బవరమచట.


4ఆ.వె:నీకు మనువు గూర్చ నెమ్మితోనేతెంచె

        మన్మథుండుతాను మహిని నాడు

        నాగ్రహమ్ము తోడ నగ్ని నేత్రము దీయ

       కాలి బూడిదయ్యె కంతు డపుడె.


5ఆ.వె:పాలసాగరమున ప్రభవించిన యట్టి    

        విషము మ్రింగితీవు వెరపులేక

        నీదు శక్తి నెరిగి నెమ్మితో డను మ్రింగు

      మనియె శైలపుత్రి యవని యందు.


6ఆ.వె:తిన్నడనెడివాడు తిరుగు నొంటిగ

         గాంచె లింగ మచట కానలోన

        నీలకంఠు కంట నెత్తురు గారంగ

        కన్నులొసగ నెంచ కాచితీవు.


7ఆ.వె:నంది వాహనుడవు నటరాజ మూర్తివి

        చంద్రమౌళివీవు జయము నొసగు

       నగజకు పతివీవు నామొరలాలించి

        యాదరించవయ్య యసమనేత్ర.


8ఆ.వె:సగము మేనొసంగె నగజాతకీతడు

         భోళ శంకరుండు భువిని నిజము

          వేడుకొనెడి జనుల విడువడేక్షణము,కు

         మార జనకు డితడె మార వైరి

         

9ఆ.వె:కోరికొలుచు వారి కొంగు బంగారమై

        కూర్మి తోడ దీర్చు కోర్కొలెల్ల

         సురనదిపతియితడె శూలపాణియితండె

          భస్మధారి యితడె పరమ శివుడు.


10ఆ.వె:హరహరమహదేవ యనుచు ననవరతము

         నిన్ను చేరి కొలుతు నీలకంఠ

         మామొరాలకించి మమ్మేలు మనిశము

         వేడు కొందుమయ్య విశ్వనాథ.



11ఆ.వె:పరమశివుడతండు పదుగురి వాడుగా

           గరళముంచె తాను కంఠమందు

 జనుల  భయము నుడిపి జయములొసగు చుండు

       కొలువ రండు వేగ కూర్మి తోడ.


12.ఆ.వె:తపము చేయ గిరిజ తాపహరుని గూర్చి

           కపటవటుని గానె కానుపించె

       పరమశివుడతండు పదుగురి వాడుగా

         పరిణయంబు నాడెభామ నపుడు.


13.ఆ.వె:పరమశివుడతండు పదుగురివాడుగా

           పార్థు కొసగె తాను పాశుపతము

          భక్తితోడ గొలున బలము హెచ్చుచు నుండు

           భయము నుడుపు నతడు భద్రమూర్తి.


14ఆ.వె:పరమశివుడతండు పదుగురి వాడుగా

          వరములొసగుచుండు వాసిగాను

         భోళశంకరుడని భూరిగా నుతియింప

         సర్వమొసగునట్టి సాత్త్వికుండు.


15.ఆ.వె:కరము నుంచ చావు కలుగవలెననుచు

        వరము కోరె నసుర వరుడు నాడు

       పరమశివుడతండు పదుగురి వాడుగా

         వరము నిచ్చి తాను బాధపడియె.


16.ఆ.వె:కోరికొల్చువారి కొంగుబంగారము

          కామితమ్ము లొసగి కరుణచూపు

        పరమశివుడతండు పదుగురి వాడుగా

       సురనది పతి యితడె శూలధారి.


17.ఆ.వె:నంది నెక్కి తిరుగు నగరాజ సుతతోడ

          సుతులిరువురు కొలువ సురలు మెచ్చ

         పరమశివుడతండు పదుగురి వాడుగా

          భస్మధారి యితడె భాగ్యమొసగు.


18.ఆ.వె:పాలకడలి యందు ప్రభవించి నట్టి యా

           విషము గళము నందు వేగ దాల్చె

          పరమశివుడతండు పదుగురివాడుగా

            వలచి పెండ్లియాడె పార్వతమ్మ.

మంథా భానుమతి గారిచ్చిన సమస్యలు

సమస్య:*పరమశివుండతడు పదుగురివాడుగా*

ఆ.వె:పరమశివుడతండు పదుగురి వాడుగా

            గరళముంచె తాను కంఠమందు

    భయము నుడిపి తాను జయములొసగు చుండు

        కొలువ రండు వేగ కూర్మి తోడ.

2.ఆ.వె:తపము చేయ గిరిజ తాపహరుని గూర్చి

            కపటవటుని గానె కానుపించె

        పరమశివుడతండు పదుగురి వాడుగా

          పరిణయంబు నాడెభామ నపుడు.

3.ఆ.వె:పరమశివుడతండు పదుగురివాడుగా

            పార్థు కొసగె తాను పాశుపతము

           భక్తితోడ గొలున బలము హెచ్చుచు నుండు

            భయము నుడుపు నతడు భద్రమూర్తి.

4ఆ.వె:పరమశివుడతండు పదుగురి వాడుగా

           వరములొసగుచుండు వాసిగాను

          భోళశంకరుడని భూరిగా నుతియింప

          సర్వమొసగునట్టి సాత్త్వికుండు.

5.ఆ.వె:కరము నుంచ చావు కలుగవలెననుచు

         వరము కోరె నసుర వరుడు నాడు

        పరమశివుడతండు పదుగురి వాడుగా

          వరము నిచ్చి తాను బాధపడియె.

6.ఆ.వె:కోరికొల్చువారి కొంగుబంగారము

           కామితమ్ము లొసగి కరుణచూపు

         పరమశివుడతండు పదుగురి వాడుగా

        సురనది పతి యితడె శూలధారి.

7.ఆ.వె:నంది నెక్కి తిరుగు నగరాజ సుతతోడ

           సుతులిరువురు కొలువ సురలు మెచ్చ

          పరమశివుడతండు పదుగురి వాడుగా

           భస్మధారి యితడె భాగ్యమొసగు.

8.ఆ.వె:పాలకడలి యందు ప్రభవించి నట్టి యా

            విషము గళము నందు వేగ దాల్చె

           పరమశివుడతండు పదుగురివాడుగా

             వలచి పెండ్లియాడె పార్వతమ్మ.

Fwd: హరితకవిత

---------- Forwarded message ----------
From: "Uma Devi Balluri" <uma.balluri@gmail.com>
Date: Aug 20, 2017 11:15 PM
Subject: Fwd: హరితకవిత
To: "Uma Devi Balluri" <uma.balluri@gmail.com>
Cc:

---------- Forwarded message ----------
From: "Uma Devi Balluri" <uma.balluri@gmail.com>
Date: Aug 20, 2017 11:15 PM
Subject: హరితకవిత
To: <sudheer.kamavaram@capgemini.com>
Cc:

హరిత కవితకొరకు పద్యములు.

1.ఆ.వె: చెట్లు నాటుచుండ చేదోడు నీకగు

నీరు పోసి పెంచ నీడ నొసగు

పండ్లు పూల తోడ పరిఢవిల్లుచు నుండి

హరిత హారమగును తరుల పూలు

2.ఆ.వె:మొక్క నొకటి నాటు మురిపెముతో పెంచు

నీడ నొసగి నీకు తోడు నగును

మూలమందు నీరు మురిపెముతో పోయ

తలను వంచి యొసగు ఫలము నీకు.

3.ఆ.వె:పచ్చనైన చెట్లు బాటకిరుగడల

            నాటుమయ్య పుత్ర నీటుగాను

            బాటసారులకది బాసటగా నుండి

             హరితమయము లగుచు హర్షమొసగు.

4.ఆ.వె:తరువు నొకటి నాటు తరతరములకును

        బతుకు తెరువు చూపి బాధ తీర్చు

         పచ్చనైన చెట్టు పసిడి కాంతుల తోడ

       పరవశింప జేసి ఫలము లొసగు.

5.ఆ.వె:పచ్చనైన చెట్లు భారతావనికొసగు

            నంతులేని సిరుల ననవరతము

           అగ్రదేశములకును నాదర్శ మగునట్లు

పెంచవయ్య తరులు ప్రీతి తోడ.

6.ఆ.వె:హరిత భరిత మైన  తరుసమూహములెల్ల

     యేపుగాను పెరుగ నింపుతోడ

      ప్రకృతి కాంత మనము  పరవశమొందగా

       హర్ష చిత్తులైరి యవని జనులు

7.ఆ.వె:జగతి లోని జనులు సద్భావనము తోడ

    చేయి చేయి కలిపి చెట్లు నాట

     హరిత వనము వోలె నలరారు దేశమ్ము

     పుడమి తల్లి తాను పులకరించు.

8.ఆ.వె:భావి తరములందు ప్రజల కుపకరించు

     తరులు పెంచ బ్రతుకు ధన్యమగును

      సేద తీర్చునట్టి చెట్లను గాంచుచు

        ముగ్ధులగుచు వారు మెత్తురయ్య.

9.ఆ.వె:వృక్షసంపదున్న రేడువు నీవౌదు

          లేమి యన్న మాట లేనె లేదు

          ఆంధ్ర దేశమన్న నన్నపూర్ణ యనెడి

         ఖ్యాతి నంది నట్టి ప్రాంత మిదియె.

10.ఆ.వె:ఔషధోప యుక్త మైన వృక్షములను

         విరివి గాను పెంచ విలువ పెరుగు

       దేశమునకు ఖ్యాతి దేహమునకు మేలు

      కలుగు చెట్లు పెంచి ఘనుడ వగుము..

11.ఆ.వె:బాటకిరుగడల పచ్చని చెట్లను

          నాట యలుపు దీర్చు నలుగురికవి

     చెట్లు నరుకు చుండ చేటు తప్పదటంచు

      నెరుగుమయ్య పుత్ర యిలను నీవు.

12.ఆ.వె:ప్రకృతి పరవశించ వసుధపచ్చగ నుండు

           తరులు విరుల నొసగ తావి నిండు

          చెట్లు పెంచు చుండ చేకూరు భాగ్యముల్

          చెట్లు నరుకు చుండ చెడును ప్రగతి.

కవితాసుమాలు

సీతాకోకచిలుక

   రంగు రంగుల సీతాకోకచిలుకా

 అందించవే మాకు నీ ఒంటి మిలమిల

   గడియకో రంగు మారేవు నీవు

 సరికొత్త రంగుల్లో కనువిందు చేస్తావు

  నీ హొయలు నీ కులుకు చూస్తుంటె మాకు

 నిను తాకి ముద్దాడ మనసౌను చూడు

    ప్రతి పూవుపై వాలి అందంగ నీవు

    మకరందమే గ్రోలి మురిసి పోతున్నావు

   ఆ  తేనె లో తీపి నీ కంటె నేమో

   మరి మరీ తీయగా ముద్దొస్తు వున్నావు

   ఎవ్వరికి దొరకక వూరిస్తు వున్నావు

   ఒక్క చోటనైన కుదురుగా వుండనే లేవు

    రంగు లాగే బుద్ధి మార్చుకొంటున్నావు

   ఈ రంగు ఈ పొంగు స్థిరము గాబోదు

   వెలిసి పోయాకెవరు పట్టించుకోరు

   బాహ్యసౌందర్యము బుద్బుదప్రాయము

   అంతస్సౌందర్యము   అజరామరము.

బల్లూరి ఉమాదేవి

22/4/15

పేరు:డా.బల్లూరి ఉమాదేవి.

అంశం :గాంధీ జయంతి

*భరతమాతకు ముద్దుబిడ్డడు

భారతజాతికి మార్గదర్శకుడు

జాతికి నేత బాపూజీ

జాతికే పిత మన గాంధీజీ

సత్యాహింసలె ఆయుధాలుగా

సాధించాడీ స్వాతంత్ర్యం

కల్లా కపటాలెరుగనివాడు

కల్లలాడడం తెలియనివాడు

అతివాదులను మితవాదులను

సమైక్యపరచిన సహనశీలి

విద్యార్జనకై విదేశమేగిన

స్వదేశ హితమునె కోరాడు

ఆఫ్రికన్లకు అండగనుండి

దౌర్జన్యాలను నిరసించాడు

వర్తకానికని వచ్చినవారే

పెత్తనాలను చేస్తూవుంటే

మునిలా మౌనం పట్టనెలేదు

ఆవేశాన్ని చూపనె లేదు

సహనంతోనూ శాంతితోనూ

స్వరాజ్యాన్ని సాధించాడు

నూలువడకటం నేర్పాడు

ఖాదీ వస్త్రం నేశాడు

స్వదేశి వుద్యమం తలపెట్టాడు

విదేశి వస్త్రం వలదన్నాడు

మన సామాగ్రికె సుంకమెందుకని

నిలదీశాడు నినదించాడు

సమర శంఖం పూరించాడు

నేతగ ముందుకు కదిలాడు

జాతికి సాంత్వన కూర్చాడు

అందరి మనములు గెలిచాడు

అయ్యాడందుకె మహాత్ముడు

అందిద్దాం జోహార్లు

వేలవేల జోహార్లు.

డా.బల్లూరి ఉమాదేవి.

2/10/17.

శ్రీ కృష్ణుడు

శ్రీకృష్ణాష్టమి శుభాకాంక్షలతో

కం:అష్టమ సుతుడై భువిలో

    శిష్టుల కావగ జనించె శ్రీకృష్ణుండై

     దుష్టుల దునిమెద తండ్రీ

     కష్టములిక తొలగునంచు కమ్మగ పలికెన్.

కం :పదునాలుగు భువనములను

      వదనముననె జూపినట్టి వంశీ కృష్ణా

       మధురంబగు నీ సుందర

     వదనమ్ము గనెడి యదృష్ట భాగ్యము నిమ్మా!

ఆ.వె:కొంటె కృష్ణుపైన కొండెముల్ జెప్పుచు

        పట్టి తెచ్చిరతని పడతులెల్ల

         తల్లడిల్లి తల్లి తనయు రోటను గట్ట

           నింతు లెల్ల గనిరి వింత తోడ.

ఆ.వె:వజ్రి యలుక చెంది వర్షమ్ము కురిపించ

          భయము చెంది గోప బాలురెల్ల

        నటునిటు తిరుగంగ నవ్వుచూ కృష్ణుండు

         కొండ నెత్తి కాచె కూర్మి తోడ.

ఆ.వె: వజ్రి కోపగింప వర్షముధృతమయ్యె

         గోపకాంత లదర,గోవులెల్ల

        బెదరు చుండ పలికె భీతి వలదటంచు

       శౌరి,యపుడె తాను శైల మెత్తె

ఉపేంద్రవ్రజము:

మురారి రారా మనమోహనా రా

విరాట రూపా వెత దీర్చగానూ

కరాభయంబిచ్చుచు కంజ నాభా

పరాకు నేలయ్య యోపంక జాక్షా.

ఆ.వె:యుద్ధ రంగమందు నుపదేశ మొనరించె

    నర్జునునకు గీత నాది లోనె

    నేటి కదియె గాద నెమ్మది నొసగేను

    సత్యమైన దిదియు జగతి యందు.

ఆ.వె:కృష్ణ నామ మొకటి తృష్ణను దీర్చేను

     కృష్ణ కీర్తనంబు కీర్తి నొసగు

      కృష్ణ కృష్ణ యన్న ఖిలమౌను పాపాలు

    కృష్ణుని గొలువంగ కీడు తొలగు.

ఆ.వె:వెన్నదొంగ వనుచు వేనోళ్ళ జనములు

       పొగడు చుందురయ్య పుడమి యందు

    వేదగోచరుడవు విశ్వంభరుండవు

       కావుమయ్య వేగ కమలనేత్ర.

ఆ.వె:వెన్న దొంగ వంచు వెక్కిరించగ బోను

       చీరలెత్తితివని చీర బోను

     వరము లొసగు నట్టి వాసుదేవా నిన్ను

      వెతలు దీర్చు మంచు వేడు కొందు.

మనమే ప్రపంచం కాదు.ప్రపంచంతోపాటు మనం

వింజమూరివారి పోటీ

"మనమే ప్రపంచం కాదు

ప్రపంచంతో పాటు మనం"

ఈభావం వ్యక్తమగునటుల వ్రాసిన పద్యములు.

1.ఆ.వె: పుట్టి పెరిగినట్టి పుడమిని విడనాడి

       నాది,నాకు యనెడి నాశ పెరుగ

        కన్న వారి నొదిలి వున్న వూరిని వీడి

        పయన మైతి వేల బస్తి కిపుడు.

2.ఆ.వె:బుద్ధి వచ్చు వరకు పోషించె జనకుండు

          రక్తమాంసములను రంగరించి

          పెంచి పెద్ద చేసె ప్రకృతి వనరులిచ్చి

         స్వార్థ బుద్ధి తోడ వదల బోకు.

3.ఆ.వె: జగతి యేమి యొసగె జంజాట మనబోకు

         జగతి కొసగు నట్టి సంచి యేది

         స్వార్థ పరత వీడి సాధించు ప్రగతిని

          అంతులేని ముదము నందగలవు.

4.ఆ.వె:సంఘ మన్న నెవరు సరిగ నరయుమయ్య

         నీవు నీది కాదు నెరుగ వయ్య

      సంఘమందు నీవు సభ్యుడ వేనోయి

       శ్వాసయుండు వరకు సత్యమిదియె.

5.ఆ.వె:మంచి చేయుచుండ మహిలోన మెత్తురు

         పరుల కెగ్గు జేయ పాపి వండ్రు

        పరుల హితము కోర బ్రతుకు పావనమౌను

       మంచి పథము నడచి మన్ననందు.

నమస్తే.ఈపద్యములు నా స్వంత రచన.ఇవి దేనికి అనుసరణకాని,అనుకరణకాని కావని సవినయముగా తెలుపుచున్నాను.

            ధన్యవాదములతో

                          శ్రీమతి ఉమాదేవి బల్లూరి

స్నేహితులు

మిత్రులందరికీ శుభోదయం

స్నేహితుల దినోత్సవ శుభాకాంక్షలు.

అంశం:స్నేహితులు

ఆ.వె:ఉండ వలయు భువిని నుత్తమ మిత్రుండు

        భార్య తోడ కూడ పంచ లేని

          విషయములను  తాను విశదముగ దెలిపి

             బడయగలడు శాంతి బ్రతుకు నందు.

ఆ.వె:ఇలను మిత్రు డెపుడు హితము గోరుచు నుండు

             నార్థికముగ తాను నాదుకొనుచు

            లేమి వేళలందు లేదనక ధనము

           నొసగి పంపు చుండు నుత్తముండు.

ఆ.వె:పిడికెడటుకులొసగి పెన్నిధి తానందె

         ననెడి కథను విందు మవని యందు

         నట్టి మిత్రు లెపుడు నాదుకొనుచునుండ

           శాంతి సుఖము కల్గు జనుల కెల్ల.

ఆ.వె:అన్ని వేళలందు నాత్మీయతను పంచు

         మిత్రుడొక్కడున్న మిసిమి యదియె

         ముదము నంద వచ్చు పుడమిలో సతతము

            కల్లకాదు నిదియె కటిక నిజము.

.ఆ.వె:కష్ట సుఖములందు కాపాడు మిత్రుండు

         నొక్క డైన చాలు నుర్వి యందు

         పంచుకొనుచునుండబాధ లెల్ల తొలగు

          మనసు తేలికగును మమత హెచ్చు.

.ఆ.వె:సృష్టిలోన జూడ తృప్తిని కల్గించు

          స్నేహబంధ మొకటె సేమ మొసగు

          నాప్తబంధువగుచు నన్నియు సమకూర్చు 

            నట్టి సఖుడు వలయు నవని యందు.

మిత్రులందరికి స్నేహితుల దినోత్సవ శుభాకాంక్షలు.

"ము"ఖ పరిచయం లేకపోయిన ము

"ఖ"పుస్తక మిత్రులతో చెలిమిని చేస్తూ వారి

"పు"రోగతి నాకాంక్షిస్తూ .. వేకువజాము నుండి మ

"స్త"కాలకు పని పెడుతూ,చేతి వేళ్ళనే

"క"లములుగా చేసుకొని వానికి పనికల్పించి

"మి"హిరుడు రాకముందే మేల్కొని మి

"త్రు"లకు శుభోదయం పల్కుతూ శ్రీ

"ల"క్ష్మీ పతి అనుగ్రహం కోరుతూ ఒకే

"కు"టుంబంలా కలసి మెలసి వున్న

"స్నే"హితులకు

"హి"తులకూ

"తు"ష్టిని పుష్టిని యొసగుమని

"ల"క్ష్మీకాంతుని ప్రార్థిస్తూ  ఈ సత్స్నేహం

"దినదిన ప్రవర్దమానంకావాలనీ మ

"నో"ల్లాసం అందరికి కలగాలని నిత్యో

"త్స"వం కావాలని జీవితంలో సతతము నవ

"వ"సంతం వెల్లి విరియాలనీ సకల

"శు"భఫలాలు పొందాలని ఎల్లప్పుడూ

"భా"షామతల్లిని కొలుస్తూ వుండాలని

"కాం"క్షిస్తూ ఆహరహం క్షరంకాని అ

"క్ష"రాలతో మన స్నేహ పరీమళా

"లు"దశదిశలా వ్యాపించాలని ఆకాంక్షిస్తున్నాను.

మొదటి అక్షరాలను గమనించండి.

అమ్మ

డా.బల్లూరి ఉమాదేవి
అంశం:అమ్మ.
         


  అమ్మ.

1.ఆ.వె:తల్లి ప్రేమ విలువ ధరణిలో నెంచంగ

    తరమె యేరి కైన దలచి చూడ

     ముద్దు మోము గాంచి మురియుచు నాతల్లి

       భాగ్యశాలి నంచు పరవశించు..


2.ఆ.వె:ఆకలెరగి తాను నడగక పోయినా

         కడుపు చూసి నింపు కరుణ తోడ

         సుంత బాధ పడిన సొమ్మసిల్లును తాను

        అమ్మ ప్రేమ కిలను నంత మేది.


3.ఆ.వె:తల్లి ప్రేమ కెవడు ధరను గట్టగలడు

           సాటిలేని యట్టి మేటి మమత

             నంద చేయు శక్తి యమ్మదే మహిలోన

           తల్లికన్న నెవరు దైవ మిలను.


4.ఆ.వె:విశ్వమందు తాను వేదనను భరియించి

           జన్మ మొసగు నట్టి జనని యెపుడు

            దైవ మేగ నెంచ ధరణిలో సర్వదా

           దైవతములకెల్ల దైవమామె.


5.కం:అమ్మను మించిన దైవ

        మ్మిమ్మహిలో నెందు గనిన నెచ్చట లేదే

         కమ్మగ బిడ్డలు తల్లిని

        నమ్మా యని పిలువగనె హాయిని బొందున్



6.ఆ.వె:ఆస్తులెన్ని యున్న నభిమానమే లేక

       అమ్మ ప్రేమ మరువ నధముడగును

      అట్టి వానిపైన నాదరణను జూపు

       నమ్మకన్న దైవ మవనినెవరు.


7.ఆ.వె:కన్నతల్లి యెపుడు కడుపు జూచుచు నుండు

      కంట నీరు జూడ కలత పడును

      అమ్మ మనసె పెద్దయంబుధి ధరలోన

      మరువ బోకు నీవు మాతృ ప్రేమ.

      తల్లికన్న నెవరు దైవ మిలను.


8ఆ.వె:కాళ్ళు బార జాపి కన్నొత్తి చెక్కొత్తి

         లాల పోసి తుడిచి లాలి పాడి

        నిదుర బుచ్చి నుదుట నిలువు బొట్టునుపెట్జి

      కనుచు మురిసి పోవు కన్న తల్లి.


9.ఆ.వె:తాను తినక సతము తనయులకని దాచు

     నమ్మ ప్రేమ కెపుడు నంతు లేదు

     మమత తోడ పంచు మాధుర్యమును బొంది

    మరువ పాడి గాదు మహిని నిజము.


10.ఆ.వె:అమ్మవంటి దైవ మవనిలో కనరాదు

           తండ్రి కోప గించ తాను కాచు

            అడ్డదారి చనిన బిడ్డను గాపాడ

           మ్రొక్కు లిడుచు తాను ముడుపు గట్టు.


11.ఆ.వె:అమ్మ మాట విన్న నన్నిభాగ్యములబ్బు

         అమ్మ దీవె నున్న నన్ని దొరకు

          అమ్మనవ్వు లోన నమృతమ్ము చిందురా

         అమ్మప్రేమ తోడ నాడు కోకు.


12.ఆ.వె:అమ్మ యలుక బూన నాదిశక్తియె యౌను

        ఆకలన్నవారి కన్న పూర్ణ

     తాటియాకు మంట తల్లి కోపమ్మురా

         అంతలోనె నదియు నారి పోవు.


13.ఆ.వె:చదువు లెల్ల నేర్చి సంస్కారయుతుడైన

      మురిసిపోవు గాదె ముసలి తల్లి

      కొడుకు ప్రేమ ముందు కోటిరూప్యములైన

         సమము కానె కావు జగతి యందు.     


14.ఆ.వె:అడక కుండ దీర్చు నవసరమ్ములు నన్ని

         ఆకలెరిగి తాను నన్నమిడును

  విసుగు యన్న మాట యిసుమంతయును లేక

యంత్రమల్లె చేయు నన్ని పనులు .


15.ఆ.వె:తనయులున్నతిగని ధన్యత నొందితి

     నంచు మురియు నమ్మ యవని యందు

    ముప్పు నందు గనుము ముదముతో తల్లిని

     యేమి కోర బోదు  యిలను తాను.

నాన్న పై వ్రాసిన పద్యములను పంపుచున్నాను పరిశీలించగలరు.
ధన్యవాదములండీ


నాన్న:

ఆ.వె:జన్మ నిచ్చు తండ్రి జగతిలో దైవమే

        కమ్మనైన మంచి కథలు చెప్పు

       నాన్న చెంత నున్న నాకమదియు గాదె

      అతని కన్న మిన్న నవని నెవరు?


ఆ.వె:జన్మకారకుడతడు సన్మిత్రు డౌతాను

         మమతచూపుచుండు మహిని  తాను

        అమ్మ కోప పడగ నక్కున చేర్చుకు

          నాదరించు నతడు నాదరించు.


ఆ వె:కన్న సంతు కొరకు కష్టాలు పడితాను

      కూడబెట్టుచుండు కువలయాన

      తనకు లేని విద్య తనయులకు వలెన

      టంచుతపన చెందు నహరహమ్ము.


ఆ.వె:తనయు నున్నతిగని ధన్యుడైతిననుచు

        మురిసిపోవు తండ్రి ముదము తోడ

        ముసలి వాడటంచు ముప్పునందు విడక

        కంటిరెప్పవోలె కావుమయ్య.


ఆ.వె:తప్పు చేయ కొడుకు దండించుచుండును

       బాధ కల్గినపుడు సేద తీర్చు

      సఖుడు తానె యౌను సంకటములొదవ

     దైవమన్న తండ్రె ధరణి యందు.