నాగులచవితి

అంశం: నాగులచవితి

1తే.గీ:సర్ప దోషమున్ బాపగ జనులు కోరి

      కొలుచు చుందురు విడువక కువలయమున

       పిల్ల లను కావు మనుచును  చల్లగాను

      మ్రొక్కు లిడుదురు సతతము ముదము తోడ.


2కం:చలిమిడి ముద్దలు చేయుచు

   లలి తోడను పాములకిల లలనా ముణులున్

    పలు ఫలముల ముందు నిడుచు

    కొలుతురు కార్తీకమందు కూరిమి తోడన్.

3కం:దండమయా యహిరాజా

    దండమయా కద్రుతనయ దండము నీకున్

     దండిగ చలిమిడి నిడుదుము

     నండగమాకెపుడు నిడుము నాశిస్సులిలన్.


4ఆ.వె:పుట్ట చెంత చేరి బుద్ధిపూర్వకముగ

       పూజ లెల్ల సలిపి పూలు పాల

        తోడ నర్చనములు తోషము తోచేయ

        తుష్ఠినంది యహియు దోషమణచు.

5ఆ.వె: భారతీయు లెల్ల భక్తిభావము పూని

        సర్ప రాజుఁగొల్వ సౌఖ్యమబ్బు

         ప్రాంత భేద మనక పాలు,ఫలములతో

         నర్చన మొన రింతు రవని యందు.


6.ఆ.వె: నాగ పంచమి యని నాగదేవతఁగొల్వ

              శ్రావణంబు నందు సంభ్రమాన

            చలిమిడి మరి పాలు చక్కగా పోయుచు

               నిలను పాము గొల్తురింట వారు.


7.ఆ.వె: నాగుమయ్య పూజ నమ్మకమున చేయ

            తొలగు నలత లన్ని తుష్టి గలుగు

         కన్ను,చెవుల రుజలు కాకుండ కాపాడు

            జాగు యేల రండు జాయ లార.


8.ఆ.వె:వనిత లెల్ల చేరి వాసిగా పూజింప

         పుట్ట చెంత కేగి ముందుగాను

        పరమ భక్తి తోడ పాలును పోయుచు

        కరుణచూప మంద్రు కరము మోడ్చి.


9.ఆ.వె:మంచి సంతుకొరకు పంచమి నాడున

           వ్రతము లాచరింతు రతివలెల్ల

          గరుడుడుదయమందె ఘనమైన నీరోజె

           తల్లి దాస్యముడిపె ధరణి యందు.